मन्त्री परिषद्या बैठक बहनिसिया न्ह्यताः ईलय् हाकनं

आन्दोलनरत कर्मचारीतय्गु तलब अप्वयेकेगु सम्बन्धय् निर्णय यायेत थौं सनिलय् क्वःछ्यूगु मन्त्री परिषद्या बैठक बहनिसिया न्ह्यताः ईलय् हाकनं च्वंगु दु । प्रधानमन्त्रीया कार्यव्यस्तताया कारण बैठक चीकूगु प्रधानमन्त्रीया प्रेस सल्लाहकार विष्णु रिजालं जानकारी बियादीगु दु । तलब सुविधा बृद्धिया माग तयाः आन्दोलनरत कर्मचारी संघ संगठनया प्रतिनिधि व सरकारदथुइ म्हिगः जूगु बार्ताय् मन्त्रीपरिषद्या बैठक च्वनाः क्वःछुइगु सहमती जूगु खः । नापं थौंया मन्त्री परिषद बैठकय् प्रधानमन्त्री माधबकुमार नेपालं इजीप्ट भ्रमणबारे जानकारी बिइगु नं स्रोतं जानकारी ब्यूगु दु ।