माओवादी व कांग्रेसया कारणं राष्ट्रिय सरकार गठनय् बाधा : मन्त्री श्रेष्ठ
Posted on Sun Jul 19, 2009 2:45 pm NST
सामान्य प्रशासनमन्त्री रवीन्द्र श्रेष्ठं माओवादी व कांग्रेसया कारणं राष्ट्रिय सरकार गठन जुइ मफुगु द्वपं बियादीगु दु ।
प्रेस चौतारी कास्कीं आइतवाः पोखराय् ग्वसाःग्वःगु पत्रकार सम्मेलनय् न्ववासें मन्त्री श्रेष्ठं कांग्रेस सरकारय् च्वंसाः माओवादी मच्वनीगु व माओवादी च्वंसाः कांग्रेस मच्वनीगुलिं राष्ट्रिय सरकार गठन जुइमफुगु टिप्पणी यानादिल ।
वयेकलं माओवादीं यानाच्वंगु आन्दोलन प्रति नकारात्मम प्रभाव ल्यायेवं एमाले नेतृत्वया सरकारय् माओवादी थःहे वइगु विश्वास प्वंकादिल । वयेकलं माओवादीं थ्व सरकार असंवैधानिक धकाः बियाच्वंगु द्वपंयात पुष्टि यानाः क्यनेत हाथ्या बियादिल ।
माओवादी थःगु हे नेतृत्वय् याकनं सरकार गठन जुइगु दाबी यानाच्वंगु ईलय् मन्त्री श्रेष्ठं सुनां जनताया विश्वास त्याकेफइ वंहे सरकारया नेतृत्व याइगु धयादिल ।
