आयल निगमया घाटा कुहां वल
येँ (सन्ध्या टाइम्स)/अन्तर्राष्ट्रिय बजारय् पेट्रोलियम पदार्थया भाः कुहां वयेवं आयल निगमयात वंगु जुलाई १ निसें जूगु घाटा म्हो जूगु दु ।
वंगु जुलाई १ न्ह्यः पेट्रोलियम पदार्थया भाः प्रति ब्यारेल ७१ डलर थ्यंगु खःसा आः भाः घटे जुयाः ६० डलर थ्यनेवं निगमया घाटा म्हो जूगु खः ।
निगमया प्रवक्ता मुकुन्दप्रसाद ढुंगेलया कथं डिजेल व पेट्रोलियम पदार्थय् भाः कुहां वःगुलिं निगमया घाटा म्हो जूसां लबः हे धाःसा अझं मवःनि ।
वय्कःया कथं वइगु अप्रिलं जक पेट्रोलियम पदार्थया भाः भारतं निर्धारण याइ। वयां लिपा जक निगमयात गुलि द्याःत्याः जुइ धइगु खँ सी दइ ।
पेट्रोलियम पदार्थया भाः हरेक १ तारिख व १५ ताखिरय् भारतं नेपाःयात बीधुंकाः जक नेपालं उकिया आधारय् बजाः भाः क्वःछीगु याना वयाच्वंगु दु ।
