अयोग्य लडाकु अलग्ग हे
येँ (सन्ध्या टाइम्स)/ थीथी शिविरय् च्वनाच्वंपिं माओवादीया अयोग्य जनसेनायात पुनःस्थापना यायेगु निंतिं अनमिनं थनिनिसें प्रक्रिया न्ह्याकेत्यंगु दु ।
थ्व ज्याया न्हापांगु चरण हात्तीखोरया शिविरंनिसें शुरु यायेत्यंगु दु। माओवादी जनसेनाया प्यद्वः व च्याम्ह सैनिकयात अनमिनं अयोग्य घोषणा यानातःगु दुसा आः उमित हे पुनःस्थापनाया ज्या न्ह्याकेत्यंगु खः। उमित शिविरं लिकयाः लत्या तक अस्थायी वासस्थानय् तयेगु व अनं लिपा उमित यःगु क्षेत्रय् छ्वइगु खँ धाःगु दु ।
थ्व प्रक्रियायात माओवादीं ग्वाहालि यायेगु खँ जनसेनाया कमाण्डर नन्दकिशोर पुन (पासाङं) धयादीगु दु।
