सप्तरीइ कर्फ्यू

येँ (सन्ध्या टाइम्स)/सप्तरी प्रहरीं कयेकूगु गोलीं कयाः छम्ह मनू सीवं ब्वलंगु ल्वापु लिपा अन अन कर्फ्यू तया बिउगु दु। थौं सुथय् १०.३० बजे स्थानीय वासिन्दां भारत जुयाः हयाच्वंगु साः विष्णुपुरा इटहरीइ गस्ती वनाच्वंगु सशस्त्र प्रहरीं ज्वनेवं निथ्वःसिया दथुइ विवाद जूगु खः। विवादया झ्वलय् स्थानीय वासिन्दां प्रहरीया ल्वाभः लाका कायेत स्वयेवं प्रहरीं गोली चले याःगु व उकी लानाः १८ दँया अखिलेख यादव सीगु व मेपिं न्याम्ह घाःपाः जूगु दु। गोलीं कयाः मनू सीवं दंगा तच्वयेवं अन कर्फ्यू तयेमाःगु खः।