तलब बृद्धि सम्बन्धि वार्ता निष्कर्षविहीन
तलब बृद्धिया माग यासें विरोध प्रदर्शन यानाच्वंपिं कर्मचारीत व सरकार दथुइ शुक्रवाः निन्हुया न्हि जूगु वार्ता नं विना निष्कर्ष क्वचाःगु दु ।
शुक्रवाः न्हिनय् सिंहदरवारय् जूगु वार्ताय् कर्मचारीत हे थःगु मागया बारे स्पष्ट मजूगुलिं वार्ता बिना निष्कर्ष क्वचाःगु खँ सरकारी पक्षं धाःगु दु । तर कर्मचारीतय्सं धासाः तलब बृद्धि यायेत सरकार तयार जुसां प्रकृयाया बारे खँ मिलेमजूगुलिं शनिवाः तकया निंतिं वार्ता स्थगित जूगु खँ धाःगु दु । राष्ट्रिय स्वतन्त्र कर्मचारी संघया अध्यक्ष कृष्ण भण्डारीं तलब बृद्धिया प्रकृया बारे खँ मिलेमजूगुलिं वार्ता स्थगित जूगु धयादिल ।
वार्ताय् सरकारया पाखें अर्थमन्त्री सुरेन्द्र पाण्डे, संघीय मामिला व संविधान व संसदीय व्यवस्था मन्त्री मिनेन्द्र रिजाल, सामान्य प्रशासन मन्त्री रविन्द्र क्षेष्ठ लयागत मन्त्रीतय्सं ब्वति काःगु खसाः कर्मचारीत पाखें खुगुलिं संगठनया प्रतिनिधिंतय्सं ब्वति काःगु खः ।
सरकार व कर्मचारीतय्सं शनिवाः हाकनं वार्ता याइगु जूगु दु ।
