युवा शक्ति छप्पं जुइमाः : राष्ट्रपति यादव

राष्ट्रपति डा. रामवरण यादवं देय् अत्यन्त गम्भीर स्थितिइ वःगुलिं युवा शक्ति छप्पं जुयाः देय् बर्वाद जुइगु पाखें बचे यायेमाः धयादिल ।

राष्ट्रिय युवा सञ्जाल (आयोन) व युवा व खेलकुद मन्त्रालयं येँय् ग्वसाःग्वःगु राष्ट्रिय युवा सम्मेलनय् ब्वति काव:पिं प्रतिनिधित नाप खँल्हाबंला यानादिसें राष्ट्रपति यादवं युवात छप्पं जुसाः जक देशं गति काइगु धयादिल । वयेकलं देय् संक्रमणकालया गम्भीर मोड दुगु व थुकीया उचित व्यवस्थापन यायेत युवातय् अहम भूमिका दइगु धयादिल ।

राष्ट्रपति भवन शितल निवासय् जूगु खँल्हाबंलाय् वयेकलं राजनीतिक दलतय्सं युवातय्त छ्यलेगु जक ज्या जूगु धायादिसें युवातय्के राजनीतिक सचेतता आवश्यक जूगु धयादिल ।