माओवादीया बैठक हाकनं स्थगित

एकीकृत नेकपा (माओवादी)या अध्यक्ष पुष्पकमल दाहाल 'प्रचण्ड'या स्वास्थ्य अवस्थाय् सुधार मजूगु कारणं माओवादीया जारी केन्द्रीय समितिया बैठक शुक्रवाः नं स्थगित जूगु दु ।

बैठकय् पार्टी अध्यक्ष प्रचण्डया राजनीतिक प्रतिवेदनय् पुचःगत सहलह यानाः निष्कर्ष पेश यायेगु ज्या जुयाच्वंगु खः । बैठकय् माओवादीया झिंस्वंगु राज्य समिति व छगू केन्द्रीय सल्लाहकार समिति यानाः मुक्कं झिंप्यंगू दलं अध्यक्ष दाहालया राजनीतिक प्रतिवेदनय् सहलह यानाः पुचःया नेतातय्सं निष्कर्ष पेश यायेगु ज्या जुयाच्वंगु ख: ।

पार्टी प्रवक्ता दिनानाथ शर्मां अध्यक्ष प्रचण्ड अस्वस्थ जूगुलिं बैठक स्थगित यायेगु धासें बैठक शनिवाः च्वनीगु जानकारी बियादिल ।