इराकय् १३ नेपाःमि ज्वन
येँ (सन्ध्या टाइम्स)/गोप्य रुपं ज्या यायेत इराक वंपिं १३ म्ह नेपाःमितय्त अनया प्रहरीं ज्वंगु खँ सीदुगु दु। इराक थ्यंकाः राजधानी बगदादया विमानस्थलं पिहां वयाखतं हे उमित प्रहरीं ज्वना यंकूगु खः। उमिगु बारे न्यनेकने यायेत नेपाःया परराष्ट्र मन्त्रालयं पाकिस्तान व सउदी अरबया नेपाली राजदूतावासयात निर्देशन बीधुंकूगु दु ।
कतारय् सीपिं हइगु :
उखे कतारय् जूगु जहाज दुर्घटनाय् लानाः सीपिं नेपाःमितय् शव येँय् हयेत्यंगु खँ सीदुगु दु। उकी लानाः सीपिं झिंनिम्ह नेपाःमि मध्यय् गुम्हेसिया शव म्हसीके धुंकूगुलिं उपिं गुम्हेसियां शव नेपाः हयेत्यंगु खः। मेपिं स्वम्ह सनाखत यानाः जक नेपालय् हयेगु खँ धाःगु दु। स्वम्हेसिया शव म्हसीकेत आः डीएनए परीक्षण यायेत्यंगु दु। सनाखत जुइधुंकाः उमि छेँजःयात क्षतिपूर्ति बीत अःपुइगु जूगुलिं थ्व परीक्षण यायेत्यंगु खः ।
