इन्द्रजात्रा ब्यवस्थापन समिति २०६६ स्वन
येँ (सन्ध्या टाइम्स)/वइगु येँयाः जात्रायात व्यवस्थित रुपं न्ह्याकेगु ताः तयाः स्थानीय बुद्धिजिवीतय् मुँज्यां इन्द्रजात्रा व्यवस्थापन समिति २०६६ स्वंगु दु। केन्द्रीय मानन्धर संघया पहलय् उगु व्यवस्थापन समिति नीस्वंगु खः। समितिं वंगु २०६५ साल असोज ४ गते अर्थ मन्त्रालयय् तत्कालिन अर्थमन्त्री नापं जूगु सम्झौताया १ य् न्ह्यथना तःकथं यःसिंया ठेक्का पत्ता अन्त यायेमाःगु माग नं याःगु दु। लिसें केन्द्रीय मानन्धर संघ व संस्कृति मन्त्रालय जानाः गुथि संस्थानयात परिपत्र यायेगु नं क्वःछिउगु दु ।
अमोघनारायण मानन्धर नायः जुयादीगु इन्द्रजात्रा व्यवस्थापन समितिइ त्रिरत्न मानन्धर, तीर्थनारायण मानन्धर, भक्तलाल मानन्धर, न्हुछेबहादुर मानन्धर, केशवलाल नेपाली मानन्धर, राम मानन्धर, जीवनारायण मानन्धर, सन्देश मानन्धर व मंगलकृष्ण मानन्धर च्वनादीगु दु ।
