कर्मचारीतपाखें वार्ता बहिष्कार
आन्दोलनकारी सहकर्मीतय्त ज्वंगु धासें कर्मचारीतय्सं सरकारं आव्हान याःगु वार्ता बहिष्कार याःगु दु ।
निजामति कर्मचारीतय्सं तलब बृद्धिया माग यासें निन्हुन्ह्यं निसें यानाच्वंगु विरोद्ध प्रदर्शन लिपाः सरकारं बुधवाः वार्ताय् वयेत आव्हान याःगु खः । बिहीवाः सुथय् च्वंगु मन्त्रिपरिषदया अनौपचारिक बैठकं अर्थमन्त्रीयात कर्मचारीत नाप वार्त यानाः तलब बृद्धि बारे सहमति यायेत जिम्मेवारी ब्यूगु खः ।
कर्मचारीतय्सं निन्हुन्ह्यः निसें यानावयाच्वंगु विरोध प्रदर्शन बिहीवाः नं जारी यायेवं प्रहरीं प्रदर्शनकारीतय्त ज्वंगु खसाः वयां लिपा प्रदर्शनकारीतय्सं वार्ता बहिष्कारया घोषणा याःगु खः । कर्मचारीतय्सं सरकारं न्ह्यसलं मल्याक कर्मचारीतय्त ज्वंगु दाबी याःगु दु । थीथी राजनीतिक दलया कर्मचारी संगठनतय्सं यानाः च्वंगु प्रदर्शन पनेत सरकारं बिहीवाः २५०० प्रहरीत सिंहदरवारय् परिचालन याःगु खः ।
बिहीवाः सुथय् प्रत्येक कर्मचारी संगठनया निम्ह-निम्ह दुजः वार्ता यायेत अर्थ मन्त्रालय थ्यंकूगु खसां अर्थमन्त्रीं थःपिंत बेवास्ता याःगु धासें उपिं अनं लिहांवंगु खः ।
