संविधानसभां न्याक्वःगु खुसी कार्यतालिका परिवर्तन
न्हूगु संविधान निर्माणया निंतिं संविधानसभां दच्छिया दुने न्याक्वःगु खुशी थःगु कार्यतालिका परिवर्तन याःगु दु । तर संविधानसभां संविधान जारी जुइगु मिति धासाः हिउगु मदु ।
संविधानसभाया बिहीवाः सुथय् च्वंगु बैठकं न्हूगु कार्यताकलिका सर्वसम्मतं पारित याःगु खः । विषयगत समितिं ईलय् हे कार्यक्षेत्रनाप सम्बन्धित विषयस अवधारणा पौ व प्रारम्भीक मस्यौदा तयार यायेमफेवं संविधानसभां थःगु कार्यतालिका न्याक्वःगु खुसी संशोधन याःगु खः । थ्वस्वयां न्ह्यः असार दुने दक्वं समितिया अवधारणा पौ व प्रारम्भीक मस्यौदाय् सहलह यायेगु ई क्वछीनातःगु खसां आः थुकीयात भदौ २१ तक क्वचायेकीगु कथं संशोधन याःगु दु ।
अथेहे न्हूगु कार्यतालिका कथं संविधानसभाय् जूगु सहलहया आधारय् संवैधानिक समितिं संविधानया मस्यौदा तयार यायेगु ई मंसिर ६ क्वछीउगु दु । न्हापा थ्व भदौ २५ दुने क्वचायेकीगु खँ न्ह्यथंनातःगु खः ।
संवैधानिक समितिं तयार याःगु संविधानया न्हापांगु मस्यौदाय् असोज २५ तक संविधानसभा सहलह जुइगु पुलांगु ई यात हिलाः मंसिर ७ निसें २१ तक तय याःगु दु ।
