इरकाय् नेपा:मित अपहरणमुक्त

इराकय् अपहरणय् लाःपिं झिंनिम्ह नेपाःमित सकुसल मुक्त जूगु दु । अपहरणय् लाःगु नीप्यघौ मदुनिवलय् अपहरणमुक्त जूगु खः । उमिसं बग्दादय् च्वंगु अमेरिकी दूतावासय् थ्यंका कतारय् च्वंगु नेपाःया दूतावासय् सम्पर्क याःगु खः ।

बुधवाः बहनी बग्दाद एयरपोर्ट नापसं च्वंगु थासं अपहरण जुपिं दक्वं झिंनिम्ह सकुशल दुगु खँ सीदुगु दु । छुं दँ न्ह्यः इराकय् नेपाःमित अपहरण लिपाः हत्या यायेधुकां नेपाः सरकारं इरका वनेत नेपाःमितय्त प्रतिबन्द्ध तयातःगु दुसाः बुधवाः अपहरणय् ला:पिं झिंनिम्ह अनः सुला: वःगु जुइफुगु आशंका याःगु दु ।

थ्व विषय थप जानकारी कायेत परराष्ट्र मन्त्रालयं पाकिस्तान, रियाद व अवुधाविलय् च्वंगु नेपाली दूतावासया निर्देशन बीधुंकूगु खँ धाःगु दु ।