वासः ज्वना वंगु हेलिकप्टर स्यन
येँ (सन्ध्या टाइम्स)/ जाजरकोट लगायत थीथी जिल्लाय् न्यनावंगु झाडाबान्ता नियन्त्रणया निंतिं जाजरकोटं ब्वःगु सेनाया छगः हेलिकप्टर स्यनाः चिकित्सकत लँय् दथुइ तुं लाःगु दु। चिकित्सक व वासः सहित वंगु सेनाया आरएएन २९ जहाज खोटाङया चैत्य धाःथाय् दिकेगु झ्वलय् सिमाय् पंखा लानाः पंखा हे त्वःधूगु कारणं इलय् थासय् थ्यंके मफुगु खः ।
उखे जाजरकोटय् झाडा बान्तां थौं हानं छम्ह सीगु दुसा बाजुराय् स्वम्ह सीगु दु। जाजरकोटय् थ्यंपिं चिकित्सकतय्सं थःपिनि ज्या न्ह्याके धुंकूगु व अन ल्वय् छुं भचा नियन्त्रणय् वयाच्वंगु खँ धाःगु दु ।
