स्कूलपाखें धार्मिक चौर कब्जा
येँ (सन्ध्या टाइम्स)/ टिष्टुङ्ग लागाया सम्पूर्ण धार्मिक सांस्कृतिक ज्याझ्वःत याइगु स्थानीय धार्मिक चौर आः स्कूल दयेकेगु नामय् कब्जा जुइत्यंगु खँ सीदुगु दु। छगू जर्मन संस्थां दां ग्वाहालि बिल धकाः अनया सुनौला निमावियात आः उगु चौरय् विस्तार यायेगु तयारी जुयाच्वंगु खः। स्कूलया थप भवन दयेकेत अन आः डोजर हयाः गाः म्हुइगु ज्या समेत शुरु जुइधुंकूगु दु। उगु चौर लागाय् करिब ३६० रोपनी जग्गा दु ।
विज्ञ सूत्रं धाः कथं आः तक धार्मिक सांस्कृतिक ज्या यायेत त्वःता तःगु उगु लागा टिष्टुङ्ग क्षेत्रया हे छगू सम्पदास्थल धाःसां जिउ। अनं स्वयेबलय् टिष्टुङ्गया मुक्कं लागा बांलाक हे खनेदु। छुं जुयाः अन स्कूल दयेकेगु ज्या ताःलात धाःसा वयां लिपा मेमेगु नं निकायया भवन दयेकेगु शुरु जुइफुगु खँ धाःगु दु ।
लुमंकेबहः जू, येँया कालिमाटीस्थित तख्ती अजिमाया ख्यलय् नं स्थानीय छगू स्कूलया भवन दयेके बीगु लागि जुयाच्वंगु कुतःयात स्थानीय जनतां पनाः उकियात खुल्ला ख्यः हे कायम याके बिउगु खः ।
