प्रचण्ड बिरामी, माओवादीया बैठक बिहीवा तकया निंतिं स्थगित

एकीकृत नेकपा (माओवादी)या अध्यक्ष पुष्पकमल दाहाल 'प्रचण्ड' अस्वस्थ जुइवं माओवादीया छुं न्हि न्ह्यः निसें न्ह्यानाच्वंगु केन्द्रीय समितिया बैठक बिहीवाः तकया निंतिं स्थगित याःगु दु ।

अस्वस्थ जुइवं प्रचण्डयात उपचारया निंतिं बालाजु औद्योगिक क्षेत्रय् च्वंगु जनमैत्री अस्पताल यंकूगु खः । वयेकयात फुड प्वाइजनिङ जूगु व सामान्य उपचार लिपा छेँय् हे आरम यानाच्वंगु खँ वयेकया काय् प्रकाशं जानकारी बियादिल ।

माओवादीया केन्द्रीय समितिया बैठकय् अध्यक्ष प्रचण्डया राजनीतिक प्रतिवेदनय् थीथी पुचःलं निष्कर्ष पेश यायेगु ज्या जुयाच्वंगु खः ।