माओवादीया झिंछम्ह नेता कार्यकर्ता मातृकाया पार्टीइ

एकीकृत नेकपा (माओवादी)या झिंछम्ह नेता व कार्यकर्ता पुनः गठित नेकपा (माओवादी)लय् प्रवेश याःगु दु ।

बुधवाः येँय् रिपोर्टर्स क्लबय् याःगु छगू पत्रकार सम्मेलनय् उमिसं मातृकाया पार्टीइ प्रवेश यानाःगु घोषणा याःगु खः । मातृकाया नेतृत्वय् पुनः गठित माओवादीइ अनिल लामा, विराट गौतम, उदेश पण्डित, श्याम पहरी, कुमार तिमिल्सिना, सरोज रोक्का, समिर क्षेत्री, जीवन लामा, प्रशान्त थापा, ज्वाला मगर व राजु लामा प्रवेश याःगु खः ।

एकीकृत माओवादी सम्झौता परस्त व क्रान्तिपाखें च्यूत जूगु द्वपं बियाः पुनःगठित माओवादीलय् प्रवेश जुयागु खँ उमिसं धाःगु दु । अथेहे पत्राकार सम्मेलनय् बिहीवाः यलय् जुइगु ज्याझ्वःलय् एकीकृत माओवादीपाखें सयौं कार्यकर्तात पुनः गठित माओवादीइ प्रवेश याइगु जानकारी ब्यूगु खः ।