पेश्की खर्च विधेयक पारित
व्यवस्थापिका संसदं पेश्की खर्च विधेयक पारित याःगु दु । बुधवाः च्वंगु व्यवस्थापिका संसदया बैठकं पेश्की खर्च विधेयक सर्वसम्मतं पारित याःगु खः ।
बुधवाःया संसद बैठकय् अर्थमन्त्री सुरेन्द्र पाण्डें आर्थिक दँ २०६६/६७या बजेट विषयस सभासद्तय्सं न्यंगु न्ह्यसःया लिसः बियादीगु खः । अर्थमन्त्री पाण्डें राजश्व व ब्ययया अनुगमनया बारे सभासद्तय्सं तःगु न्ह्यसःया लिसः बियादीगु खः ।
वयेकलं बजेट सहसहया झ्वलय् वःगु बांलाःगु सुझावयात बजेटय् दुथ्याःकेगु प्रतिबद्धता प्वंकादिल । वयेलकं छिन्चु-जाजरकोट, तुल्सीपुर-सुर्खेत, खुनुवा-तौलहवाय् निमार्ण जुइत्यंगु सतक खण्डया नामाकरण स्थानीय तहनापया सहलसया आधारय् हे यानाःगु व योजना पूवंकेगु धयादिल । अथेहे वयेकलं काणर्ली करिडोरया निंतिं बजेट विनियोजन जुइधुंकूगु, विज्ञान क्षेत्रया विकासया निंतिं सक्रिय जुइगु प्रतिबद्धता प्वंकादिल ।
अर्थमन्त्री पाण्डें गरिबी निवारणया निंतिं परियोजना ह्येगु, गरिबीया रेखय् दुपिंतः सहुलियतया निंतिं परिचयपत्र बीगु धयादिल । नापं मन्त्री पाण्डें नेपालगाजय् क्यान्सर अस्पताल निर्माणया निंतिं सरकार प्रतिबद्ध दुगु धासें उकीया निंतिं पहल यायेत सम्बन्धित जिल्लाया सभासद्तय्त सहलह यानाः ग्वाहालि यायेत इनाप यानादिल ।
