नेप्से २६ अंकं च्वय्
येँ/ न्हूगु बजेट वयेवं शेयर भाः उच्च अंकं थहां वंगु दु । बजेटय् पुँजीगत लाभकर क्वकयाः हाकनं १० प्रतिशतय् हयेवं मंगलबाः नेप्से परिसूचक छक्वलं २६ अंकं थहां वन ।
मंगलबाः बजेट चालेवं थहां वनेगु शुरु जूगु नेप्से परिसूचक बजाः बन्द जूगु इलय् तक २६ अंकं थहां वंगु खः । थ्व स्वयां न्हृयःया सरकारं पुँजीगत लाभकर ५ प्रतिशत थकयाः १५ प्रतिशत याःगु खः, तर सोमबाः वःगु न्हूगु बजेटय् हाकनं थ्व कर १० प्रतिशतय् तुं कुहांवंगु खः ।
मंगलबाः नेपाल स्टक एक्सचेञ्जय् जूगु फुक्क धयाथें कम्पनीया शेयर भाः थहां वंगु खः । कारोवार जूगुली नेशनल हाइड्रोपावर छगूया जक छतका दां कुहां वनसा मेगु निगू कम्पनीया भाः यथावत जुल । मेगु फुक्कया भाः थहांवंगु खः ।
