राजनीतिक प्रतिवेदनय् निष्कर्ष पेश यायेगु ज्या जारी

एकीकृत नेकपा (माओवादी)या केन्द्रीय समितिया बैठकय् अध्यक्ष पुष्पकमल दाहाल 'प्रचण्ड'या राजनीतिक प्रतिवेदनय् थःथःगु पुचःलं निष्कर्ष पेश यायेगु ज्या मंगलवा नं जुल ।

मंगलवाः माओवादीया कुपण्डोलय् च्वंगु ज्याकूथीइ च्वंगु बैठकय् थःथःगु निष्कर्ष पेश यायेगु झ्वलय् अध्यक्ष प्रचण्डया प्रतिवेदनय् पार्टीया आगामि कार्यनितिइ ठोस योजना मदुगु धासें नेतातय्सं कार्यनितिइ ठोस योजनात दुथ्याकेत माग याःगु दु । अथेहे उमिसं पार्टीं संर्घषया बारे नं थप बुँदात दुथ्याकेत नं इनाप याःगु दु ।

झिंस्वंगु राज्य समिति व छगू सल्लहाकार समिति याना: मुक्कं झिंप्यंगू पुचःलं निष्कर्ष पेश यानाच्वंगु निष्कर्षय् ल्यंदनीगु पुचःलं बुधवाः थःगु निष्कर्ष पेश याइगु जूगु दु ।