प्रधानमन्त्री इजिप्ट प्रस्थान

असंलग्न राष्ट्रतय् १५क्व:गु शिखर सम्मेलनय् ब्वति कायेत मंगलवाः प्रधानमन्त्री माधवकुमार नेपाल इजिप्टया राजधानी कायरो प्रस्थान यानादीगु दु । निन्हुन्यंक न्ह्याइगु सम्मेलनय् प्रधानमन्त्री नेपालं बुधवाः सम्बोधन यानादीगु ज्याझ्वः दु ।

इजिप्ट प्रस्थान याये न्ह्यः त्रिभुवन बिमानस्थलय् संचारकर्मीत नाप खँल्हाबंला यानादिसें प्रधानमन्त्री नेपालं सम्मेलनय् विश्व आर्थिक मन्दी, जलवायु परिवर्तन लगायत मंकाः समस्यायात प्राथमिकताया साथ ल्ह्वनीगु धयादिल ।

झिंप्यंम्ह दुजःया नेतृत्व यानाः कायरो प्रस्थान यानादिम्ह नेपाल शनिवाः नेपाः लिहां झयादीगु ज्याझ्वः दु । प्रधानमन्त्री जुइधुंकाः नेपालया थ्व न्हपांगु विदेश भ्रमण खः ।

इजिप्टया स्राम एल शेख सहरय् बुधवाः निसें न्ह्याइ सम्मेलनय् हनिमय्या ११८देया प्रमुखतय्सं ब्वति काइगु ज्याझ्वः दु ।