समाजवादया नारा खुयाकाःगु द्वपं
येँ (सन्ध्या टाइम्स)/न्हूगु संविधान दयेकेगु निंतिं जनताया दवाव जारी जुयाच्वनेमाःगु खँ कांग्रेसया उपसभापति रामचन्द्र पौडेलं धयादीगु दु । थौं सुथय् धौख्यलय् कांग्रेसं ग्वसाः ग्वःगु छगू ज्याझवलय् न्ववायेगु झवलय् वय्कलं उगु खँ धयादीगु खः ।
ज्याझवलय् न्ववायेगु झवलय् वय्कलं न्हापा कांग्रेसं ल्ह्वनाच्वंगु समाजवादया मुद्दा कम्युनिष्टतय्सं खुया काःगु द्वपं बियादिसें वय्कलं कांग्रेसं समाजवादया अवधारणायात आत्मसात याये मफुगु बिचाः नं प्वंकादिल ।
परिवर्तनया संवाहक नेपाली कांग्रेस खः धासें वय्कलं कांग्रेसय् प्रजातान्त्रिक अभ्यासयात अझ तिबः बीमाःगु खँय् नं बः बियादिल ।
