स्वनिगःया फुक्कं स्कूल बन्द
येँ (सन्ध्या टाइम्स)/नेपाल संस्थागत शिक्षक युनियन (इस्टु) पाखें थौं स्वनिगःया फुक्कं निजी विद्यालयत बन्द याःगु दु । जावलाखेलय् च्वंगु सेन्ट जेभियर्स विद्यालयया गाडीयात पनाच्वंगु इलय् इस्टुया अध्यक्ष सहितया पदाधिकारीतय्त प्रहरीं ज्वंगु विरोधय् थौं शिक्षकतय्सं विद्यालय बन्दया घोषणा याःगु खः ।
शिक्षकतय् आह्वानय् याःगु विद्यालय बन्दया कारणं थौं स्वनिगःया फुक्कं निजी विद्यालयत बन्द जुयाच्वंगु दु ।
वंगु चैतय् जेभियर्सं छुं शिक्षकतय्त अनुशासन भंग याःगु द्वपं बियाः चीकूगु खःसा उकिया विरुद्ध शिक्षकतय्सं ताः इलंनिसें आन्दोलन याना वयाच्वंगु खः ।
