देय् थकालिया सछिदँ बुदिं

येँ (सन्ध्या टाइम्स)/ केन्द्रीय मानन्धर संघं मानन्धर समाजया हनेबहम्ह देय् थकालि इन्द्रनारायण मानन्धर (न्हूसाः)सछि दँ क्यंगु लसताय् थ्वहे वंगु नेपाल संवत ११२९ सिल्लागा २ बिहिवाः कुन्हु थः छेँजः व थः थितिपिं सकलें च्वनाः तःजिक हन । ज्याझवलय् वय्कःया त्वाः न्हूसाःया फुकीपि सकसिनं वय्कःया ताःआयु व भिं उसाँय्या कामना याःगु खः । सच्छिदँ दये धुंकूम्ह देय् थकालीया सच्छिदँ बुदिं हंगु लसता खँ न्यनाः केन्द्रीय मानन्धर संघ अतिकं लय्ताःगु खँ न्ह्यथंसें वय्कःयात हानं हानं नं थुकथं हे दँय् दसं न्ह्याबलें हने फयेमाः धकाः वय्कःया भिंउसाँय् व ताःआयुया मनंतुना थुगु ज्याझवः याःगु खः ।