नेप्से थहां वनेगु क्रम जारी
येँ (सन्ध्या टाइम्स)/वंगु वाःया लिपांगु न्हिया कारोबारं ७ सय अंक पार याःगु नेप्से थुगु वालय् नं दकलय् अप्वः थहां वंगु दु । नेप्सेय् म्हिगःया कारोबारं ८ दशमलव १८ अंकं थहां वनाः ७११ दशमलव शून्य ६ अंकय् थ्यंगु दु । सेन्सेटिभ नं म्हिगःया कारोबारं १९० अंक पार याःगु दु । सेन्सेटिभ म्हिगः २ दशमलव ८७ अंकं थहां वनाः १९० दशमलव ९६ अंकय् थ्यन । फ्लोट नं शून्य दशमलव ९३ अंकं थहां वंगु दु ।
मेखे म्हिगः कारोबार जूगु उपसूचकत मध्ये नेप्सेय् दकलय् अप्वः प्रभाव लाकीगु वाणिज्य बैंक समूह १४ दशमलव ३९ अंकं थहां वनाः ७५० दशमलव ९६ अंकय् थ्यंगु दु । अथे हे म्हिगः थहां वंगु उपसूचकत मध्ये फाइनान्स समूह २ दशमलव ४४ अंकं थहां वनाः ६८४ दशमलव ४५ अंकय् थ्यंगु दुसा विमा समूह ४ दशमलव ५३ अंकं थहां वनाः ६३५ दशमलव ६६ अंकय् थ्यंगु दु ।
म्हिगः कारोबारं विकास बैंक व जलविद्युत समूह धाःसा कुहां वःगु दु । जलविद्युत समूह दकलय् अप्वः ८ दशमलव २१ अंकं कुहां वयाः ९१० दशमलव ९७ अंकय् व विकास बैंक समूह शून्य दशमलव ७१ अंकं कुहां वयाः ७४३ दशमलव ९५ अंकय् थ्यन ।
म्हिगः निगू लाख चय्प्यद्वः खुसः व ख्वीप्यंगू कित्ता शेयर न्याये-मी जुयाः झिंछगू करोड ख्वीन्यागू लाख व चय्निद्वः तका दांया कारोबार जुल । नेपाल बङ्गलादेश बैंकया दकलय् अप्वः निगू लाख नीखुद्वः व पीस्वंगू कित्ता शेयर कारोबार जूगु दु ।
म्हिगः कारोबार जूगु कम्पनीत मध्ये नविल बैंकया शेयरय् दकलय् अप्वः प्रति कित्ता १४०/- तका थहां वंगु दुसा दकलय् अप्वः बुटवल पावर कम्पनीया शेयरय् प्रति कित्ता नीन्यातका दां कुहां वल ।
थुगु वाःया न्हापांगु न्हिया कारोबारय् बैंक अफ एशिया नेपालं दकलय् अप्वः कमे याःगु दुसा स्टायर्ण्र्डड फाइनान्स लिमिटेडं दकलय् अप्वः गुमे याःगु दु ।
