ताम्सालिङया न्यय्म्ह कार्यकर्तात ज्वन

ताम्सालिङ राज्यया माग यासें येँय् चक्काजाम यानाच्वंपिं ताम्सालिङ संर्घष समितिया कार्यकर्तातय्त प्रहरीं ज्वंगु दु ।

सोमवाः न्हिनय् ताम्सालिङ स्वयत्त राज्य घोषण यायेमाःगु व चौत २१ गते सरकारनाप जूगु सहमति कार्यान्वयन यायेमाःगु धासें ताम्सालिङया कार्यकर्तातय्सं चक्काजाम याःगु खः । चक्काजाम यानाच्वंपिं न्यय्म्ह स्वयां अप्वः कार्यकर्तातय्त प्रहरीं ज्वना यंकूगु खः । ज्वनायंकूपिंत आः सिंहदरवार व तिनकुनेया प्रहरी ज्याकूथी तयातःगु दु ।