ख्वप हत्याकाण्ड बारे छानबिन यायेत समिति गठन
गृहमन्त्रालयं ख्वपय् अपहरणकरीया द्वपं बिया दागु ईलय् स्वम्ह ल्याम्हत सीगु घटनाया छानविन यायेत समिति गठन याःगु दु ।
गृहमन्त्रालयं सहन्यायाधिवक्ता दुर्गाबन्धु पोखरेलया संयोजकत्वय् स्वम्ह दुजः दुगु छानविन समिति गठन याःगु खः । समितियात झिन्हुया दुने सत्यतथ्य विवरण लुइका दोषीयात कारवाही यायेत सिफारिस यायेगु कथं प्रतिवेदन लःल्हायेत इनाप याःगु दु ।
पोखरेलया संयोजकत्वय् गठित समितिइ महानगरिय प्रहरी आयुक्त कार्यालय, येँया प्रहरी वरिष्ठ उपरिक्षक रमेशशेखर बज्राचार्य व राष्ट्रिय अनुसन्धान विभागया सह अनुसन्धान निर्देशक नवराज थापा दु ।
ख्वपःय् असार २३गते मचा अपहरण यायेत स्वःगु धकाः दावलय् जीवत गाह मगर, सविन महत क्षेत्री व वसन्त लामा सीगु खः । मन्त्रालयं उगु घटनाय् दुःख प्वंकूसें यथोचित क्षतिपूर्ति बीगु खँ नं धाःगु दु ।
मन्त्रालयं आइतवाः पिथंगु विज्ञप्तिइ कथं उगु समितियात त्रिचन्द्र क्याम्पसया घटनाया छानबिन यायेगु जिम्मा नं ब्यूगु दु ।
