भारतीया जलश्रोतमन्त्री वंशल पाखें कोसी निरीक्षण
नेपाः व भारतया मन्त्रीतय्सं कोसी ब्यारेज व स्यंगु तटबन्धया आइतवाः निरीक्षण यानादीगु दु ।
नेपाःया सिंचाईमन्त्री बालकृष्ण खाँड व भारतीय जलश्रोत व संसदीय मामलामन्त्री पवनकुमार वंशलया नेतृत्वया पुचःलं कोसी निरीक्षण यानादीगु खः ।
निरीक्षण लिपा वंशलं कोसी समस्याय् भारत गम्भीर दुगु धासें क्षतिग्रस्त व जीर्ण संरचनाया पुनर्निमाणय् बः बियादिल । तटबन्धया ममर्त सम्भार व सम्भावित क्षति व उकीया न्यूनिकरणया उपायया बारे जानकारी कायेत पश्चिम कुसाहा थ्यंगु पुचलय् सिंचाई सचिव उमाकान्त झा, उच्च भारतीय अधिकारीत व नेपाःया निंतिं भारतीय राजदूत राकेस सूदं दुगु खः ।
दच्छि न्ह्यः भदौलय् कोसी तटबन्ध स्यनाः सुनसरीया हरिपुर, श्रीपुर, पश्चिम कुशाह जुया विहार राज्यया खुइद्वलं मल्याक नेपामित व नीन्याद्वलं मल्याक भारतीया नागरिकत विस्थापित जूगु खः ।
