झाडापखाला नियन्त्रण यायेत गम्भीर जुइत प्रधानमन्त्रीया निर्देशन
प्रधानमन्त्री माधवकुमार नेपालं झाडापखाला क्षेत्रय् वासः याकेगु ज्याय् दक्वसितं थःथःगु थासं गम्भीरतापूर्वक भूमिका निर्वाह यायेत सम्बन्धित पक्षया अधिकारीतय्त निर्देशन बियादीगु दु ।
प्रधानमन्त्री ज्याकू सिंहदरवारय् जूगु सहलहस प्रधानमन्त्री नेपालं गृहमन्त्री, स्वास्थ्यमन्त्री, स्वंगुलिं सुरक्षा निकाय - सेना, प्रहरी व सशस्त्र प्रहरीया प्रमुखत, गृह सचिव व स्वास्थ्य सचिवयात जनतायात सरकार द्यनाःच्वंगु अभाष जुइमबीत इनाप यानादिल ।
प्रधानमन्त्री नेपालं समन्वयया अभावं झाडापखाला नियन्त्रण जुइमफुगु धासें दक्वं सरकारी निकयायात गम्भिरता क्यनेत निर्देशन बियादिल । सहलहस जाजरकोट व रुकुमय् ब्वलंगु झाडापखालाया समस्या नियन्त्रण यायेत याकनं राहत छ्वयेगु, उगु क्षेत्रय् थप स्वास्थ्य टोली छ्वयेगु, पीडितयात राहत व क्षतिपूर्ति बीगु बारे सहलह जूगु खः ।
