संसद भवन न्ह्यने नाराबाजी

संयुक्त ताम्सालिङ संर्घष समितिं स्वायत्त प्रदेशया माग यासें आइतवा: न्हू बानेश्वरय् च्वंगु संसद भवन न्ह्यने नाराबाजी या:गु दु ।

व्यवस्थापिका संसदया बैठक न्ह्यानाच्वंगु ईलय् ताम्सालिङया कार्यकर्तातय्सं सरकारया विरुद्ध नाराबाजी या:गु ख: । स्वायत्त प्रदेशया माग व न्हापाया सरकारनाप जूगु सहमति कार्यान्वयन यायेत माग यासें उमिसं नारावाजी या:गु ख: । नारावाजीया कारणं छुं ई संसद भवन न्ह्यने तनाव तकं जूगु ख: । संविधान सभा परिसर दुने दुहांवना: ताम्सालिङया १०/१२ कार्यकर्तातय्सं नाराबाजी यायेवं सुरक्षकर्मीतय्सं बल प्रयोग याना: उमित पिने छ्व:गु ख: ।