भारतीय मन्त्रीं प्रधानमन्त्री नापलात

प्रधानमन्त्री माधवकुमार नेपालयात भारतीय संसदीय मामिला व जलस्रोत मन्त्री पवनकुमार वंशलं नापलाना खँल्हाबंला यानादीगु दु ।

निन्हुन्यंकया नेपाः भ्रमणय् झयादिम्ह मन्त्री वंशलं प्रधानमन्त्री नेपाल नाप शान्ति प्रकृया विषयस खँल्हाबंला यानादीगु खः । वयेकलं नेपाःया शान्ति प्रकृयाय् भारतया पूर्ण ग्वाहालि व समर्थन दुगु धयादिल ।

कोशी बाँधया अवलोकन यायेत नेपाः झायादिम्ह वंशलयात सिंचाई मन्त्री बलकृष्ण खाँडं त्रिभुवन विमानस्थलय् लसकुस यानादीगु खः । भारतया बिहार सरकारं कोशी खुसीया बाँधबारे केन्द्र सरकारया ध्यानाकर्षण यायेवं केन्द्र सरकारया निर्णय कथं वंशल नेपाः झायादीगु खः ।

वंशलं आइतवा: कोशी खुसीलय् जारी पुर्ननिर्माण व मर्मत सम्भारया निरीक्षण याइगु ज्याझ्वः दुगु खँ भारतीय दूतावासं धाःगु दु ।