फोरमया अडानया कारणं ससंद बैठक च्वनेमफुत

मधेशी जनअधिकार फोरमया संसदी दलया आधिकारिकताया विवादया कारणं व्यवस्थापिका संसदया शनिवाःया बैठक च्वनेमफुत ।

फोरमया संस्थापन पक्षं संसदीया दलया आधिकारिकताय् निर्णय मजुतल्ले सदन न्ह्याके मबीगु अडान काःगु दु । फोरम संस्थापन पक्षं सिंहदरवारय् च्वंगु संसदीय दलया ज्याकू थःपिंत बीमाःगु अडान कयाच्वंगु दु । संस्थापन पक्षया सभासद् हरिनाराण यादवं विजयकुमार गच्छदारयात पार्टीं निष्काषन यानाःगु जानकारी संसद सचिवाय् यासां नं संसदीय दलया ज्याकूथीइ गच्छदार पक्षया नियन्त्रण दुगु धासें आपत्ति प्वंकूगु दु ।

शनिवाः सुथय् च्यताः ईलय् व्यवस्थापिका संसदय् सरकारं न्ह्यब्वःगु नीति व ज्याझ्वःस सहलह यायेगु क्वछीनातःगु खसां फोरमया आन्तरिक विवादया कारण निर्धारित ज्याझ्वः प्रभावित जूगु दु ।