माओवादी बैठक आइतवाः तकया निंतिं स्थगित

स्वन्हु न्ह्यः निसें न्ह्याना च्वंगु माओवादीया केन्द्रीय कमिटीया बैठक आइतवाः तकया निंतिं स्थगित जूगु दु ।

अध्यक्ष प्रचण्डया राजनीतिक प्रतिवेदनय् सहलह जुयाच्वंगु केन्द्रीय कमिटीया बैठक सरकारं संसदय् पेश याःगु नीति व ज्याझ्वः बारे शनिवाः संसदय् सहलह यायेगु क्वछीनातःगुलिं उकी माओवादीं विशेष ई कयाः न्ववागु ज्याझ्वः दुगुलिं बैठक स्थगित याःगु खः ।

माओवादीया वरिष्ठ नेता डा. बाबुराम भट्टराई विशेष ई कयाः न्ववायेवं माओवादीं संसदय् सहलह जुइगु नीति व ज्याझ्वःलय् ब्वति मकासें सहलह बहिस्कार याइगु खँ माओवादी प्रवक्ता दीनानाथ शर्माले जानकारी बियादिल ।