येँनं अपहरण याना यंकूम्ह मुक्त
येँ (सन्ध्या टाइम्स)/डिल्ली बजारं बागबजारया क्याम्पस वयेगु झवलय् अपहरणय् लाःम्ह इशा भट्टर्राईयात बाराया निजगढया सशस्त्र प्रहरीं अपहरण मुक्त याःगु दु ।
राजदेवी ट्राभल्सया बा. ३ ख २४६० नम्बरया बसय् चेक जाँच यायेगु झवलय् भट्टर्राई ख्वया हयेवं प्रहरीं व अपहरणय् लाःगु खँ सीकूगु खः ।
अपहरित भट्टर्राईनं थः लँय् वयाच्वनागु जक चाःगु व मेगु छुं खँ थम्हं मचाःगु खँ धाःगु दु । भट्टर्राईयात नशालु वासः नतुंकाः अपहरण याःगु अनुमान याःगु दु । प्रहरीया कथं बसय् चेक जाँच यायेगु झवलय् मंगोलियन ख्वाः वःपिं छपुचः धाःसा बिसिउँ वनेत ताःलाःगु खः ।
