गाडी दुर्घटनाय् निम्ह सित २९ म्ह घाःपाः

येँ (सन्ध्या टाइम्स)/भैरहवां येँय् वयाच्वंगु छगः बस धादिङ्गया बाहुनडाँडाय् दुर्घटना जुयाः निम्ह घटनास्थलय् सीगु दुसा २९ म्ह घाःपाः जूगु दु । सीपिं मध्यय् छम्हेसिया सनाखत जुइधुंकूगु दुसा मेम्ह मिसाया धाःसा सनाखत जुइ मफुनि । सनाखत जूम्ह थानेश्वर पाण्डे जूगु खँ प्रहरी धाःगु दु । घाःपाः जूपिंत आः येँय् हयाः वासः याकातःगु दुसा च्याम्हेसिया स्थिति गम्भीर जूगु खँ प्रहरीं धाःगु दु ।