अपराधीतय्त राजनीतिक संरक्षण : गृहमन्त्री

गृहमन्त्री भीम रावलं अपराधीतय्त राजनीतिक संरक्षण दुगुलिं शान्ति, सुरक्षा कायम यायेत थाकूगु खँ धयादीगु दु । वयेकलं राजनीतिक संरक्षण जूगुलिं उमिगु मनोवल थहांवनाच्वंगु धयादिल ।

शुक्रवाः एमालेया संसदीय दलया बैठकय् वयेकलं राजनीति व आपराधीक ज्यायात छथ्ये हे तयाः स्वयेगु ज्या जुयाच्वंगु खँ धयादिल । वयेलकं एमाले दुने नं आपराधीक तत्वत दुगु धासें उमित नं कारवाही यायेगु जानकारी बियादिल ।

तराईलय् राजनीतिक स्वयां नं आपराधीक पुचःत यक्वः दुथु धासें गृहमन्त्री रावलं तराईलय् जक १०७गू सशस्त्र पुचःत दुगु धासें उमि नाप सरकारं वार्ता मयाइगु धयादिल । वयेकलं अपराधीतय्त कारवाही यायेगु ज्याय् ग्वाहालि यायेत एमालेया सभासदतय्त इनाप यानदिल ।