कर्मचारीया तलब अप्वयेकेत माग

येँ (सन्ध्या टाइम्स)/क्वय्या तहया कर्मचारीतय् तलब म्होतिं नं १२ द्वः थ्यंकेत नेपाल निजामति कर्मचारी संगठनं माग याःगु दु । संगठनं थौं छगू प्रेस विज्ञप्ति पिकासें संगठनं उगु माग याःगु खः । कर्मचारी संगठनं च्वय्या कर्मचारी तलब नं ४५ द्वः थ्यंकेमाःगु माग नं याःगु दु । अथे हे कर्मचारीतय् तलब अन्तर म्हो यायेत नं माग याःगु दु । अथे हे २०० प्रतिशत महंगी भत्ता बीत नं कर्मचारीतय्सं माग याःगु दु ।