हत्याया विरोधय् थौं नं प्रदर्शन
ख्वपःया स्थानीयवासीतय्सं आक्रमण यानाः स्यागु विषययात कयाः बिहीवाः नं प्रदर्शन याःगु दु ।
सीपिनि छेँजः, स्थानीयवासी व विद्यार्थीतय्सं याःगु प्रदर्शनया कारणं कोटेश्वरं निसें ख्वपः क्षेत्र बिहीवाः सुथं निसें तनावग्रस्त जुल । प्रदर्शनकारीतय्सं घटनाया विरोधय् थिमी, पेप्सीकोला, कौशलटार, जडिबुटी व कोटेश्वर क्षेत्रय् प्रदर्शन याःगु खः ।
ख्वपःया स्थानीयवासीतय्सं मचाः अपहरणया द्वपंबियाः दागु ईलय् मंगलवाः सीपिं सविन क्षेत्री व जीवन थापाया छेँजः, स्थानीयवासी व विद्यार्थीतय्सं दोषीयात कारवाहीया माग यासें टायर च्याकाः सतक अवरुद्ध याःगु खः । प्रदर्शनया कारणं अरनिको राजमार्ग जुया येँय् वइगु व येँय् जुया ख्वपः वनीगु सवारी साधानया आवगम पूर्णरुपं ठप्प जूगु खः ।
मंगलवाः ख्वपःय् जूगु घटनाय चितवन छेँय् जुयाः येँया पेप्सीकोला च्वनाच्वंम्ह क्षेत्री व पाल्पा छेँ जुयाः पेप्सीकोला हे च्वनाच्वंम्ह थापा सीगु खसाः मेपि निम्ह घाःपा जूगु खः ।
