त्रिचन्द्रया दोषीयात कारवाही यायेत माग

च्यागू विद्यार्थी संगठनं त्रिचन्द्र क्याम्पसय् जूगु घटनाय् संलग्न दोषीयात कारवाहीया माग याःगु दु ।

बिहीवाः च्वंगु च्यागू विद्यार्थी संगठनया मंकाः बैठकं उगु घटनाया भत्सना यासें दोषीयात कारवाहीया माग याःगु खः ।

वंगु आइतवाः टेन्डर सम्बन्धी विवाद जुया नेविसंघ व अनेरास्ववियुया विद्यार्थीत दथुइ ल्वापू जूगु खसाः उगु ईलय् अज्ञात पुचलं गोली चलेयाःगु ईलय् नेविसंघया भीमप्रसाद गुरुङ घाःपाः जूगु खः । नेविसंघ सम्बद्ध विद्यार्थीतय्सं धाःसा घटनाय् अनेरास्ववियुया विद्यार्थीतय् संलग्नता दुगु द्वपं बियाच्वंगु दु ।

अथेहे च्यागू विद्यार्थी संगठनया बैठकं त्रिभुवन विश्वविद्यालययात प्रविणता प्रमाणपत्र संचालन यायेत सरकारयात बजेट फ्यायेत दबाव बीगु निर्णय नं याःगु दु ।