प्रचण्डया प्रतिवेदनय् सहलह
येँय् न्ह्यानाच्वंगु एकीकृत नेकपा (माओवादी)या केन्द्रय समितिया बैठकय् अध्यक्ष पुष्पकमल दाहाल 'प्रचण्ड'या राजनीतिक व संगठनात्मक प्रस्तावय् सहलह जुयाच्वंगु दु ।
कोटेश्वरया पेरिसडाँडाय् च्वंगु माओवादीया ज्याकूथी च्वनाच्वंगु बैठकय् अध्यक्षया प्रतिवेदनय् सहलह यायेत झिंप्यंगु पुचः देयेकूगु दु । झिंस्वंगु राज्यसमिति व छगू सल्लाहकार समितिया ब्यागलं ब्यागलं पुचलं बिहीवाः सुथय् झिंछताः ईलंनिसें सहलह यानाच्वंगु दु ।
पोलिटब्यूरो बैठकया सुझावयात दुथ्याका अध्यक्ष प्रचण्डं बुधवाः परिमार्जीत प्रतिवेदन न्ह्यब्वयादीगु खः । बुधबार न्हया:गु केन्द्रीय समितिया पूर्ण बैठकय् न्हब्व:गु राजनीतिक प्रतिवेदनय् शान्ति, संविधान, राष्ट्रियता व नागरिक सर्वोच्चताया निंतिं राष्ट्रिय मंका: सरकार निर्माणय् ब: बियात:गु दु ।
बैठकं माओवादीया आगमी कार्यदिशा व महाधिवेशनया मिति नं क्वछीइगु जूगु दु ।
