तुं दुने कुतुवंम्ह मचाः बचेयायेत स्वःवलय् थः हे मन्त

ढल्कोया ईन्द्रायणी देगलय् च्वंगु तुं दुने कुतुंवंम्हेसित बजे या:वंगु ईलय् छम्ह सैनिक जवान सीगु दु । तुंलय् कुतुवंम्ह झिंप्यदँया समीर पोडे नं सीगु दु ।

सैनिक जनसम्पर्क निर्देशनालयया कथं सीम्ह नेपाली सेनाया महाविर गण रेन्जर छाउनीया सिपाही दिनेश श्रेष्ठ खः । बिदाय् छेँ लिहावलाच्वंगु ईलय् तुं दुने अपरिचित मचाः कुतुवंगुलिं उद्धार यायेत श्रेष्ठ तुं दुने दुहावंगु खः । अन दुने हे श्रेष्ठ व पोडे निम्हं सीगु खः ।