प्रधानमन्त्रीं पावेलया प्रसंशा

प्रधानमन्त्री माधवकुमार नेपालं नेपाःया निंतिं अमेरिकी राजदूत न्यान्सी जे. पावेलं नेपालय् थःगु कार्यकालय् म्हूतुगु भुमिकाया प्रसंशा यानादीगु दु ।

थःगु कार्यकाल पूवंकाः बिहीवाः अमेरिका लिहांझयादित्यंम्ह राजदूत पावलं बुधवाः प्रधानमन्त्री नेपाल नाप बिदाई भेट यानादीगु खः । प्रधानमन्त्री नेपाल नापया खँल्हाबंलाय् शान्ति प्रकृया, संविधान निर्माण, सेना समायोजन लगायत विषयस खँल्हाबंला जूगु खः । अथेहे राजदूत पावेलं थः अमेरिका लिहांवनेधुंकाः नेपाःयात अमेरिकां बियावयाच्वंगु ग्वाहालि अप्वेकीगु कुतः यायेगु धयादिल ।

बुधवाः हे राजदूत पावेल राष्ट्रपति भवन शितल निवास थ्यंकाः राष्ट्रपति डा. रामवरण यादव नाप नं खँल्हाबंला यानादीगु खः । थ्वस्वयां न्ह्यः वयेकलं नेपाःया थीथी राजनीतिक दलया नेतात लगायत उच्च पदाधिकारीत नं नापलानादीगु खः ।

(किपा: - http://www.madhavnepal.com)