सरकारया नीति व ज्याझ्वः बिहिवाः वइगु
राष्ट्रपति डा. रामवरण यादवं बिहीवाः संसदय् सरकारया नीति व ज्याझ्वः न्ह्यब्वइगु ज्याझ्वः दु ।
व्यवस्थापिका संसदया दँ अधिवेशन बुधवाः निसें सुरु जुइगु जुइवं राष्ट्रपति यादवं बिहीवाः संसदय् सरकारया नीति व ज्याझ्वः न्ह्यब्वइगु जूगु ख: । राष्ट्रपति यादवं बुधवाः स्वताः ईलय् न्ह्याइ कथं दँ अधिवेशन आव्हान यानादीगु दु । बजेट अधिवेशन नं धाइगु थ्व अधिवेशनय् सरकारया नीति व ज्याझ्वः व आर्थिक दँ ०६६/०६७या बजेट न्ह्यब्वइ ।
राष्ट्रपतिया सम्बोधन बारे बुधवाः कार्यव्यवस्था परामर्श समितिया बैठक च्वनाः प्रकृया क्वछीयगु खँ संसद सचिवालं धाःगु दु ।
अथेहे व्यवस्थापिका संसदय् बिहीवाः सरकारं न्ह्ब्वइगु नीति व ज्याझ्वःया बारे मंगलवाः प्रधानमन्त्री माधवकुमार नेपालं गठबन्धन दलया नेतात व सचिवत नाप सहलह यानादीगु खः । प्रधानमन्त्री नेपालं सिंहदरवारय् च्वंगु प्रधानमन्त्रीया ज्याकूथीइ उपप्रधानमन्त्री विजयकुमार गच्छेदार, कांग्रेस संसदीय दलया नेता रामचन्द्र पौडेल, राष्ट्रिय जनशक्ति पार्टीया अध्यक्ष सूर्यबहादुर थापा, नेकपा (माले)या महासचिव सिपी मैनाली लगायत नेतात नाप सहलह यानादीगु खः ।
सहलहस दलया नेतातय्सं जनताया भावनायात प्रत्यक्षरुपं सम्बोधन यायेगु कथंया नीति व ज्याझ्व ह्येत प्रधानमन्त्री नेपालयात सुझाव ब्यूगु खः ।
