येँया थीथी थासं ३३ लाख लुटे यात

येँया ज्याथा व बानेश्वरं मंगलवाः ३३ लाखं मल्याक लुटे याःगु दु ।

मंगलवाः सुथय् झिंछताः ईलय् ठमेलया पोटला गेष्ट हाउसया संचालक लोप्सन लामा नाप ध्यबा त्याः कयाः छेँय् लिहांवनेगु झ्वलय् स्वयमभु विजेश्वरीया कार्पेट व्यापारी ३५दँया साम्देदोर्जे लामा पाखें ३० लाख च्यय्द्वं  तकाः ध्यबा: लुटे याःगु खः । ठमेलं छेँय् वनेगु झ्वलय् ज्याथाय् निम्ह मोटरसाइकलय् च्वनाविपंसं पेस्तोल क्यनाः लामा नाप दुगु दक्वं ध्यबाः लुटे यानाः यंकूगु खः ।

अथेहे मंगलवाः हे बानेश्वरय् च्वनीमह ४२दँया दधिराम पौडेलपाखें १ लाख तकाः ध्यबा व १५गु राहदनी लुटे यानायंकूगु दु । न्हिनय् छताः ईलय् बानेश्वरय् उगु घटना जूगु खः ।