त्रिचन्द्रय् गोली क्येकूम्हेसित कारवाही जुइ : गृहमन्त्री

गृहमन्त्री भीम रावलं त्रिचन्द्र क्याम्पसय् छुं न्हि न्ह्यः नेवि संघ व अनेरास्ववियुया विद्यार्थीत दथुइ जूगु ल्वापूया झ्वलय् गोली चलेयाम्हेसित कारवाही यायेगु प्रतिबद्धता प्वंकादीगु दु ।

नेविसंघं झडपया झ्वलय् थः कार्यकर्ता भीमसेन गुरुङयात गोली क्येकूम्हेसित कारवाही यायेत माग यासें गृहमन्त्री रावलयात ज्ञापन पौ लःल्हाय्गु झ्वलय् वयेकलं थ्व प्रतिबद्धता प्वंकादीगु खः । वयेकलं अपराधी फरार जुयाच्वंगु व अपराधीया पहिचान जुइवं कारवाही जुइगु धयादिल । वयेकलं अपराधीयात कारवाही यायेत सुरक्षाकर्मीतय्त निर्देशनं बीधुंकाःगु जानकारी बियादिल ।

नेविसंघं एमाले सम्बद्ध अनेरास्ववियुं युथफोस्रया ग्वाहालि उगु आक्रमण याःगु द्वपं ब्यूगु दुसाः अनेरास्ववियुं धाःसा थुकी थःगु संगठनया संलग्नता मदुगु खँ धयाच्वंगु दु ।