माओवादीया ३९ कार्यकर्ता एमालेय् प्रवेश

माओवादी सम्बद्ध थीथी राज्या समिति व भातृ संगठनया कार्यकर्तात माओवादीपाखें विद्रोह यानाः एमाले प्रवेश याःगु दु ।

सोमवाः एमाले दुहांविपंत लसकुस यासें एमाले अध्यक्ष झलनाथ खनालं नेपालया दक्वं कम्युनिष्टत छप्पं जुइत्यंगु दाबी यानादिल । वयेकलं जनताया बहुदलीय जनवादया र्कायदिशायात माओवादी अध्यक्ष प्रचण्डं नं स्वीकार यायेधुंकूगु धासें नेपाःया कम्युनिष्ट आन्दोलनय् एमालेया विकल्प मदुगु धयादिल ।

एमालेय् प्रवेश यापिं माओवादीया थीथी तराईलय् दुगु राज्य समिति, विद्यार्थी संगठन व जिल्ला स्तरया नेतात नपां ३९म्ह नेता व कार्यकर्तात माओवादी पाखें विद्रोह यानाः एमालेय् प्रवेश याःगु खः । अथेहे एमालें सोमवाः देयन्यंक माओवादीपाखें ७१९ जवान एमालेय् प्रवेश याःगु जानकारी ब्यूगु दु ।