राष्ट्रपति शासन ह्येगु षड्यन्त्र : भट्टराई

एकीकृत नेकपा (माओवादी)या वरिष्ठ नेता डा. बाबुराम भट्टराईं सेनाया आडय् राष्ट्रपतिय शासन ह्येगु षड्यन्त्र जुयाच्वंगु दाबी यानादिल ।

तनहुँ दलेगौढाय् शनिवाः जूगु छगू ज्याझ्वलय् नेता भट्टराईं प्रधानमन्त्री माधव नेपाल व एमाले नेता केपी ओली विदेशीतय् इशाराय् ज्या यानाच्वंगु द्वपं बियादिल । वयेकलं थःपिंत: विश्वस्त सुत्रत पाखें जानकारी वःगु धासें नेपाल व ओली सेनाया आडय् राष्ट्रपतिया शासन ह्येगु कुतः यानाच्वंगु धयादिल ।

पुलांम्ह अर्थमन्त्री नं जुयादिम्ह नेता भट्टराईं थंज्याःगु षड्यन्त्रयात दिकेत तःधंगु आन्दोलन आवश्यक जूगु धासें माओवादी न्हूगु संविधान, नागरिक सर्वोच्चता व राष्ट्रियताया पक्षय् न्ह्यावलें ल्वानाच्वनीगु धयादिल ।