संसद गतिरोधबारे राष्ट्रपतियात ध्यानाकर्षण

प्रधानमन्त्री माधवकुमार नेपालं व्यवस्थापिका संसदय् जारी हिउँदे अधिवेशन क्वचायेकाः बजेट अधिवेशन न्ह्याकेगु विषयस डा. रामवरण यादवया ध्यानाकर्षण यानादीगु दु ।

माओवादीं पेश्की बजेट संसदय् पेश यायेबीगु तर सरकारया नीति व ज्याझ्वः ह्येमबीगु खँय् काःगु अडानलिपा अन्योल उत्पन जुइवं प्रधानमन्त्री नेपाल राष्ट्रपति निवास थ्यंकादीगु खः । उगु झ्वलय् राष्ट्रपति यादवं प्रधानमन्त्री नेपालयात सहमतिया आधारय् उचित निकास मालेत सुझाव बियादीगु खः ।

शुक्रवाः राष्ट्रपति निवास शितल निवासय् जूगु खँल्हाबंलाय् अवरुद्ध जुयाच्वंगु संसदया बारे प्रधानमन्त्री नेपालं राष्ट्रपतियात जानकारी यानादीगु खः । अथेहे खँल्हाबंलाया झ्वलय् लिपांगु राजनीतिक घटनाक्रमया बारे नं सहलह जूगु खः ।