माओवादीं संसद न्ह्याकेबीगु
गोदावरी सहमति कार्यान्वया यायेत माग
ताः ई निसें एकीकृत नेकपा (माओवादीं) अवरोध यानावयाच्वंगु व्यवस्थापिका संसदया बैठक माओवादीं न्ह्याकेबीगु जुगु दु ।
शुक्रवाः माओवादी संसदीय दलया ज्याकूथी माओवादीं चीचीधंगु दलतनाप याःगु सहलहस माओवादी अध्यक्ष पुष्पकमल दाहाल 'प्रचण्डं' पेश्की बजेट ह्येत माओवादीं संसद न्ह्याकेबीगु निर्णय याःगु धयादिल । अध्यक्ष प्रचण्डं माओवादीं संसद न्ह्याकेत लचकता क्यंगु धयादिसें जनयुद्ध वलय् नं माओवादीं एकपक्षीय युद्धविराम याःगु व आः नं एकपक्षिय ढंग माओवादीं संसद न्ह्याकेबीगु धयादिल ।
बैठकय् माओवादी अध्यक्ष प्रचण्डं पेश्की बजेट पेश यायेत संसद न्ह्याकेबीगु तर नीति तथा ज्याझ्वः धासाः सरकारं प्रस्तुत मदइगु धयादिल ।
अथेहे शुक्रवाः हे माओवादीं गोदावरीइ माओवादी व एमाले दथुइ जूगु सहमति कार्यान्वयन यायेत माग याःगु दु । माओवादी सचिवालयया शुक्रवाः च्वंगु बैठकय् गोदावरीलय् एमाले व माओवादी दथुइ माओवादीं ल्ह्वंगु मागयात दुथ्याकाः प्रधानमन्त्रीं संसदय् सम्बोधन यायेगु सहमति जूगु खँ माओवादीं धाःगु दु । बैठकय् राष्ट्रपति व सेनापतिया विषयस सकारात्मक रुपय् संवोधन जुसाः जक सदन न्ह्याकेबीगु निर्णय जूगु खँ माओवादीया वरिष्ठ नेता मोहन वैद्य किरण जानकारी बियादिल ।
