नेपाल टेलिभिजनय् तालाबन्दी
नेपाल टेलिभिजनय् कुन्द अर्यालयात कार्याकारी अध्यक्षय् नियुक्त याःगु विरोद्धय् नेपाल टेलिभिजन कर्मचारी संघं मू लुखाय् तालाबन्दी यानाः धर्ना ब्यूगु दु ।
नेपाल टेसलभिजा थंज्याःगु स्वायत्त संचार संस्थाय् कार्यकारी अध्यक्ष नियुक्त यानाः राजनीतिक हस्तक्षेप याःगु धासें कमाचारीतय्सं विरोध याःगु खः । कर्मचारी संघया अध्यक्ष राजकुमार थापाया कथं थःपिसं अर्यालाया व्यक्तिगत विरोध मखसें कार्यकारी पदया जक विरोध यानाःगु धयादिल ।
बिहीवाः सुथय् झिताः ईलय् हे कर्माचारीतय्सं मू लुखाय् तालाबन्दी यानाः धर्ना ब्यूगु कारणं कार्यकारी अध्यक्ष अर्यालं थौं पद बहाली यायेमफुत ।
एमाले निकट पत्रकार अर्यालयात मन्त्रिपरिषदया बुधवाःया बैठकं टेलिभिजनया कार्यकारी अध्यक्षय् नियुक्त यायेगु निर्णय याःगु खः ।
न्हापा एमाले मूपौ बुधबार साप्ताहिकया सम्पादक जुयाच्वंम्ह अर्याल एमाले निकटया मानवअधिकारवादी एनजीओ इन्सेकया मू छ्याञ्जे खसा: हिमाल खबरपत्रिकाया सम्पादक खः ।
